۩ كروت فيزا الكترون وربطها ببنك alertpay

أنهاردة بجد انا لقيت ليكوا الحل الى متااح لكل وااحد واى حد واعني مصر حالياً اوى حالة مشابهة لو هتتقارن مع ثبات الظروف الثابتة
الحل بتاع المرة دى نهائي بالنسبة ليا ومميزاته كاتالى:

1-ارخص طريقة ممكنة

2-متاحة لأى وااحد فوق ال21 ولحد الأخر لو هنوصل ل 100 حتى

3-مباشرة

4-واضحة

5-بسيطة

6-ومن غير وسيط أكيد

7-أمان تماماً

انهاردة هنسحب على كروت اسمها كروت فيزا الكترون ودي مش كريدت ( ائتمانية) يعني محدش يقول كارت كريدت وعلى فكرة مش كروت نت بردو ارجوكوا يا قوم ركزوا فى النقطة دي
الكارت بتاع انهاردة ده كارت خصم فوري او كارت مدين او كارت ديبت زي ما احنا بنسميه فهو مش كارت كرديت مرة تانية ولو سالت اي حد فى اى بنك هيقولك انه مي هشتغل اون لاين ولا هيشتغل على النت وكلامهم صحييح لأنه فعلان مش هيشتغل لكن هيستقبل فلوس وخاليكوا معايا للأخر.
الكارت ده مش بيتشغل على النت لأنه ممنوع تشتري بيه ..لكن احنا مش هنتشري بيه احنا بس هنتسقبل عليه فلوس ونسحبها بعد كده من الالات السحب الألي.
الكارت له CVV زى ما انتوا شايفيين

الكارت ده اسمه

Visa Smart Saving
فيزا سمارت سافينج
او
Visa Electron

فيزا اليكترون

تفعيل الكارت وربطة بالبنك الالكترونى هندخل على السحب من هنا

وهنختار السحب عن طريق الكريدت كارد بس ((ومحدش يقولي يعني الكارت طلع كريدت ..لألأ دي مجرد طريقة السحب هو مش كارت كريدت))

هنبتدي ندخل بيانات السحب زي هنسحب على اى كارت و المبلغ الى هنسحبه
ولو لاحظتوا هتلاقي الرقم الخاص ابكارت الى فى الصورة الى جاية هو نفس الرقم اللى فى الصورة الى فوق

ودلوقتى هنأكد على المبلغ الى هنسحبه طبعاً اتخصم منه ال 5 دولار المصاريف بتاعت السحب

هتطلعلك الصورة وبتقولك ان الحركة هتم خلال ال 5 ايام العمل اللى جايين

وملحوظة ممكن تلغي الحركة دي خلال يوم من انشاءئها لو غيرت رأيي

الأثبات بتاع ان الحركة دي تمت بقى اهوه بالصورة

وتعمدت انى اعمل حركتين الحساب وااحد بالكارت وواحد بعملية سحب من جوا اى فرع لبنك مصر كأثبات على ان الموضوع سهل وبسيط

تفاضيل الكارت ده بقى كالأتي:

الكارت ده كارت مدين يعني مربوط على حساب بنكيوفى انواع من الحسابات والكروت المدينة بس ده الوحيد الى اتربط وسحبت عليه والعملية نجحت وارخصمهم

الكارت ده كارت معمول على دفتر توفير او ( حساب توفير)
هتقولي ازاى تطلع الكارت ده هقول لحضرتك يافندم
1-تروح اي فرع لبنك مصر وانا بفضل الفروع الأسلامية لن المصاريف الثانوية ارخص واقل زحمة شوية من الفروع التانية
2-المصاريف الخاصة بالفتح 35 جنيه + 2 جنيه دمغه
3-الحساب اسمه حساب توفير او دفتر توفير ( ملحوظة لو هتروح فرع اسلامي هتقلو دفتر توفير لو هتروح فرع عادي هتقول حساب توفير بدون دفتر لأن الفروع العادية الدفاتر مش بيطلع عليها كروت).
4-اول مبلغ ايداع او اقل مبلغ ايداع 100 جنيه لو عايز تسحب منهم 80 تاني يوم انت حر ..
5-طلب الكارت عليه كمان 1 جنيه دمغه بياخد حوالى ما بين 15 يوم و21 للأصدار وهيطلعلك وااحد زي اللى فوق ده ( أخهووه).
6-المصاريف السنوية لحساب التوفير ده فى الفروع الأسلامية لبنك مصر 12 جنيه فى الفروع العادية بتوصل ل 48 جنيه.
7-مصاريف اصدار الكارت اول سنة مجاناً وكل سنة عشرة جنيه لمدة سنتينت وبعد كده 10 جنيه كل 3 سنين

ملاحظاات مهمة صغيرة:
الكارت ده بيختلف على كارت الكريدت بتاع بنك مصر فى حاجة
ان الكارت ده الحركات بتسمع فى الفروع او فى حسابات فأنت وانت بتربطه على اليرت باي مش هتعرف تجييب الكود لا من على خدمة الأنترنت ولا من الفرع لازم تلكم 19888 خدمة العملاء لأنهم عندهم نظام تاني بيقروا بيه الحساب لكن عن طريق رقم الكارت مش عن طريق رقم الحساب
فلازم تفرق بين رقم الكارت ورقم الحساب لأن كل واحد فيهم بتقري من على نظام مختلف

كده المسئلة كلها انحصرت فى كارت وااحد واجراءات بسيطة لو فى حد معرفش حااجة او معرفش يطلع رقم الكود او عنده اى تسال انا تحت امرك

انا دلوقتى اقدر ارشح الكارت وبنك مصر على انه احسن حل و على انه احسن وارخص واقل تكلفة للسحب .